Virtuelle turar i Austevoll - Kvalvåg

Kvalvåg er ein gammal handelstad nord på øya Stolmen. Dette var før eit
senter for omsetting av fisk og fiskeprodukt. Den gamle gjestgjevarstaden er
i dag eigd av Bergen Seilforening, og blir brukt til ferie og turstad.
I "Kremmerstaden" Kvalvåg kan du finna eit levande museum med bygningsmasse som står igjen og fortel historia frå Hansatida. "Utliggeren" kom med borgarbrev frå Bergen og slo seg ned som kremmar. Det var folk i adelstanden og presteskapet som styrte her gjennom fleire hundre år. Her er bygningar frå 1600-1700-1800 og 1900-talet. Plakatar som syner kva bygningane har vore nytta til heng på kvar bygning. Fleire bygningar er vekke, men historia har me. Kvart år fyste sundag i august vert det arrangert Kystsogedag i samband med Stiftingane Kystsogevekene. Det er verdt ei vitjing!